മു​സ​ന്ദം വി​മാ​ന​ത്താ​വ​ളം; ന​ട​പ​ടി​ക​ൾ തു​ട​ങ്ങി

മ​സ്ക​ത്ത്​: രാ​ജ്യ​ത്തെ വ്യോ​മ ഗ​താ​ഗ​ത ​മേ​ഖ​ല​ക്കു​ ക​രു​ത്തുപ​ക​ർ​ന്നെ​ത്തു​ന്ന പു​തി​യ മു​സ​ന്ദം വി​മാ​ന​ത്താ​വ​ള​ത്തി​ന്‍റെ​ ന​ട​പ​ടി​ക​ൾ വേ​ഗ​ത്തി​ലാ​ക്കൊ​നൊ​രു​ങ്ങി അ​ധി​കൃ​ത​ർ. ഇ​തി​ന്‍റെ ഭാ​ഗ​മാ​യി സി​വി​ൽ ഏ​വി​യേ​ഷ​ൻ അ​തോ​റി​റ്റി (സി.​എ.​എ) വി​മാ​ന​ത്താ​വ​ള​ത്തി​ന് വി​ശ​ദ​മാ​യ രൂ​പ​രേ​ഖ ത​യാ​റാ​ക്കു​ന്ന​തി​നു​ള്ള ടെ​ൻ​ഡ​റു​ക​ൾ ക്ഷ​ണി​ച്ചു. വി​മാ​ന​ത്താ​വ​ളം 2028 ര​ണ്ടാം പ​കു​തി​യോ​ടെ പൂ​ർ​ത്തി​യാ​ക്കാ​നാ​ണ്​ അ​ധി​കൃ​ത​ർ ല​ക്ഷ്യ​മി​ടു​ന്ന​ത്.

നി​ല​വി​ലെ ഖ​സ​ബ് വി​മാ​ന​ത്താ​വ​ള​ത്തി​ന്​ നി​ര​വ​ധി പ്ര​വ​ർ​ത്ത​ന​പ​ര​മാ​യ വെ​ല്ലു​വി​ളി​ക​ൾ നേ​രി​ടു​ന്നു​ണ്ട്. അ​തു​കൊ​ണ്ടു​ത​ന്നെ പു​തി​യ വി​മാ​നത്താ​വ​ള​ത്തി​ന്​ ഏ​റെ സാ​ധ്യ​ത​യാ​ണ്​ അ​ധി​കൃ​ത​ർ ക​ണ​ക്കു​കൂ​ട്ടു​ന്ന​ത്. ക്രൂ​സ് ടൂ​റി​സ്റ്റു​ക​ളു​ൾ​പ്പെ​ടെ പ്ര​തി​വ​ർ​ഷം 200,000ല​ധി​കം വി​നോ​ദ​സ​ഞ്ചാ​രി​ക​ളെ ആ​ക​ർ​ഷി​ക്കാ​ൻ മു​സ​ന്ദ​ത്തി​നു ക​ഴി​യു​മെ​ന്ന്​ ട്രാ​വ​ൽ മേ​ഖ​ല​യി​ലു​ള്ള​വ​ർ പ​റ​യു​ന്നു. മി​ക​ച്ച എ​യ​ർ ക​ണ​ക്റ്റി​വി​റ്റി ഉ​പ​യോ​ഗി​ക്കു​ക​യാ​ണെ​ങ്കി​ൽ ഇ​ത്​ ഇ​ര​ട്ടി​യാ​ക്കാ​ൻ സാ​ധി​ക്കു​മെ​ന്നും ചൂ​ണ്ടി​ക്കാ​ണി​ക്കു​ന്നു.

[04/02, 6:44 pm] Metrojournaluae: ഡി​സൈ​നു​ക​ൾ ന​ട​പ്പി​ലാ​ക്കാ​ൻ 18 മാ​സം, നി​ർ​മാ​ണ​ത്തി​ന്‍റെ ആ​ദ്യ ഘ​ട്ടം ന​ട​പ്പി​ലാ​ക്കാ​ൻ മൂ​ന്നു​വ​ർ​ഷം, ര​ണ്ടാം ഘ​ട്ട നി​ർ​മാ​ണം ന​ട​പ്പി​ലാ​ക്കാ​ൻ 18 മാ​സ​വു​മാ​ണ് എ​യ​ർ​പോ​ർ​ട്ട്​ പ​ദ്ധ​തി​യു​ടെ സ​മ​യ പ​രി​ധി ക​ണ​ക്കാ​ക്കു​ന്ന​ത്. ആ​ദ്യ​ഘ​ട്ട​ത്തി​ൽ എ​യ​ർ​ബ​സ് 319, ബോ​യി​ങ് 737 വി​മാ​ന​ങ്ങ​ൾ ഉ​പ​യോ​ഗി​ക്കു​ന്ന​തി​ന് 45 മീ​റ്റ​ർ വീ​തി​യി​ൽ റ​ൺ​വേ നി​ർ​മി​ക്കും. പ്ര​തി​വ​ർ​ഷം 250,000 യാ​ത്ര​ക്കാ​രെ കൈ​കാ​ര്യം ചെ​യ്യാ​ൻ ശേ​ഷി​യു​ള്ള പാ​സ​ഞ്ച​ർ കെ​ട്ടി​ടം, എ​യ​ർ ട്രാ​ഫി​ക് ക​ൺ​ട്രോ​ൾ ട​വ​ർ, 2,520 മീ​റ്റ​ർ നീ​ള​വും 45 മീ​റ്റ​ർ വീ​തി​യു​മു​ള്ള റ​ൺ​വേ, ടാ​ക്സി​വേ​ക​ൾ, ഫ​യ​ർ സ്റ്റേ​ഷ​ൻ, ഉ​പ​ക​ര​ണ​ങ്ങ​ൾ ന​ന്നാ​ക്കു​ന്ന ക​ട​ക​ൾ, മ​റൈ​ൻ റെ​സ്ക്യൂ സ്റ്റേ​ഷ​ൻ, വി​മാ​ന​ങ്ങ​ൾ​ക്കു​ള്ള പാ​ർ​ക്കി​ങ്​ സ്ഥ​ല​ങ്ങ​ൾ എ​ന്നി​വ​യും ഒ​രു​ക്കും. ര​ണ്ടാം ഘ​ട്ട​ത്തി​ൽ, എ​യ​ർ​ബ​സ് 330, 350, ബോ​യി​ങ്​ 787, 777 എ​ന്നി​വ​യെ ഉ​ൾ​​​ക്കൊ​ള്ളാ​നാ​യി റ​ൺ​വേ 3,300 മീ​റ്റ​റാ​യി വി​ക​സി​പ്പി​ക്കും. ടാ​ക്സി​വേ​ക​ളു​ടെ​യും വി​മാ​ന​ങ്ങ​ൾ​ക്കാ​യു​ള്ള പാ​ർ​ക്കി​ങ്​ സ്ഥ​ല​ങ്ങ​ളു​ടെ​യും എ​ണ്ണം വ​ർ​ധി​പ്പി​ക്കു​ന്ന​തി​ന് പു​റ​മേ എ​യ​ർ​ക്രാ​ഫ്റ്റ് ഐ​സൊ​ലേ​ഷ​ൻ യാ​ർ​ഡും ടെ​ർ​മി​ന​ൽ കെ​ട്ടി​ട​വും നി​ർ​മി​ക്കും.

ക​ഴി​ഞ്ഞ മാ​സം മു​സ​ന്ദം ഗ​വ​ർ​ണ​റേ​റ്റി​ൽ ഒ​മാ​ൻ കൗ​ൺ​സി​ൽ, മു​നി​സി​പ്പ​ൽ കൗ​ൺ​സി​ലി​ലെ ചി​ല അം​ഗ​ങ്ങ​ൾ, ശൈ​ഖു​മാ​ർ, വി​ശി​ഷ്ടാ​തി​ഥി​ക​ൾ, വ്യ​വ​സാ​യി​ക​ൾ എ​ന്നി​വ​രു​മാ​യി സു​ൽ​ത്താ​ൻ ഹൈ​തം ബി​ൻ താ​രി​ഖ്​ ന​ട​ത്തി​യ കൂ​ടി​ക്കാ​ഴ്ച​യി​ൽ ഗ​വ​ർ​ണ​റേ​റ്റി​നെ പ്രാ​ദേ​ശി​ക, അ​ന്ത​ർ​ദേ​ശീ​യ വി​മാ​ന​ങ്ങ​ളു​മാ​യി ബ​ന്ധി​പ്പി​ക്കു​ന്ന കാര്യം ഊന്നിപ്പറഞ്ഞിരുന്നു.