റിയാദ് ∙ സൗദിയിൽ വിദ്യാർഥികളും അധ്യാപകരുമായി പോയ രണ്ട് വാഹനങ്ങള്‍ കൂട്ടിയിടിച്ച് അപകടം. 9 പേര്‍ക്ക് പരുക്കേറ്റു. ഞായറാഴ്ചയാണ് തെക്ക് പടിഞ്ഞാറന്‍ സൗദിയില്‍ അല്‍ ബാഹയിലാണ് അപകടമുണ്ടായത്. അല്‍ ബാഹ മേഖലയിലെ അല്‍ മക്വാ ഗവര്‍ണറേറ്റില്‍ വനിതാ അധ്യാപകരെയും വിദ്യാർഥികളെയും കയറ്റി കൊണ്ടുപോയ മിനിബസ് വിദ്യാർഥികളുമായി പോയ വാഹനത്തില്‍ ഇടിക്കുകയായിരുന്നു.
വിവരം അറിഞ്ഞ ഉടന്‍ തന്നെ സൗദി റെഡ് ക്രസന്‍റ് സംഘം അപകടം നടന്ന സ്ഥലത്തെത്തിയിരുന്നു. അപകടത്തില്‍ പരുക്കേറ്റവരെ പ്രാദേശിക ആശുപത്രികളില്‍ പ്രവേശിപ്പിച്ചു. പരുക്കേറ്റവരില്‍ ഒരാളുടെ നില ഗുരുതരമാണ്.
Comments are closed.